為人父母之「差輪廚」‧ 十八

面試

我都未試過咁勤力做功課既～

仲諗緊幫個女去一次mock interview先．．．話晒，米ｂ女見陌生人嗰時都真係會突然怕羞既．．．試過吓先，點都會好啲掛．．．

A soothing sound...

尋晚揾番啲舊碟出泥聽．．．
The Big Blue 應該係我最鍾意既電影．．．而佢既sound track，亦係我其中一隻至愛

正好舒緩近日有點down的心情。

(任）走地雞

大約幾年前，响亞視睇到個叫river cottage既節目，從此同太太就迷上呢個series。

佢開始既時候講既，係一個都市人可以點樣transform做一個鄉村農夫，過一啲自己種自己食，自給自足既生活。

到左前一兩年，佢開始講到飼養養動物作為食物既問題（即係，自己養俾自己食）；同時，開始左個叫free range chicken既campaign。

咩叫free range chicken？基本上就係指我地口中所講既走地雞。

（definition 可以睇呢度　Free Range http://en.wikipedia.org/wiki/Free_range）

River Cottage推廣既，唔係否認我地需要肉食（佢入面教既食譜，肉食都佔好大部份），而係，我地雖然需要肉食，但可以同時做到，對俾我地食既動物，有最低限度既尊重，同埋盡量俾到啲動物有開心既一生。

要尊重動物，其中最重要一項就係用盡動物身上既每一分肉變成餐桌上既食物（即係，食埋內臟呀咁）──要知道，隻動物係為左變成你既食物而死既！唔好浪費食物，就係尊重動物其中一樣最重要既事。

另外，就好似上次我貼嗰啲鵝肝相咁，現代人以工廠方式去飼養動物，係好唔人道既做法．．．而我地仍然會將呢啲食物放入口，好大程度上係因為我地冇真正接觸過呢啲動物──有點事不關已的味道。

响River Cottage最新既season入面，就係做左個program，邀請左一啲家庭去參與佢地呢一季耕種及飼養動物既過程．．．而最重要既係，呢啲家庭亦會參與屠宰佢地自家養既豬。我覺得只有咁，現代都市人先會明白，我地每日放入口既肉，所源自既動物，係過緊一啲咩既生活。

再實際啲泥講，River Cottage入面亦提到，由於响雞籠入面飼養既雞，其實只係食人工飼料谷肥，佢地營養價值較低之餘，同時脂肪含量亦較走地雞高．．．所以，食用走地雞理論上亦對我地身體好啲。

不過，暫時個世界都仲係價錢決定好大部份既嘢，所以要走地雞可以响大超市上架，River Cottage 呢個free range chicken既campaign仲有好一段路要走。

至於住响香港我地，就更唔駛講。唯有，少食。

能源思考框架（３）

google真係好，大部份既答案，其實都可以响互聯網揾到晒。

其中，最有用既係BP，IEA同埋EIA既report。

基本得出既結論係，石油仍然會係未來主要既能源；

石油需求方面，OECD國家因為上年既海嘯而有所減少，但由於中國增長强勁，未來既趨勢仍然係上升既。

而所謂石油產量見頂論，其實前幾年有人話會係响二零零七就見頂，但今年既報告就話會响二零一零．．．其實响邊一年，係同供求（即油價）好有關係──需求大，油價升，結果用量減低，於是又舒緩番個需求量，跟住產量又可以減少番．．．咁於是個產量高峰又可以推遲啲先見頂．．．

但，長遠少少睇，的確石油產量係會下降．．．或者正確啲泥講，便宜既石油既產量係會下降。

不過要替代能源能夠變成主流，就真係仲要好一段時間．．．而家所有替代能源要有利可圖，其實都要政府補貼；但金融海嘯令各國政府減少左補貼呢類能源既預算。

剩下來既「便宜能源」，最有可能既係天然氣以及煤．．．天然汽比煤貴，但較煤乾淨；要留意的是，此兩者都只能作為發電用途，並不能大量地替代石油作為汽車既燃料。

以天然汽作行車燃料其實比電動車更可行；但距「普及化」仍有一段距離。

以電作為汽車動力，電池係仍未能解決既問題。

所以响交通運輸方面，依賴石油呢個現象，短期內好難改變。

呢個我估就係股神買鐡路既原因：既是看好鐡路運輸的能源效益較高，同時亦看好以鐡路運煤的重要性。

結論：油價响現水平，計入通脹後並不算貴；而就算如七十年代時石油危機下，油價飆升，人們還是得用石油，而世界並没有因此而停頓下來．．．所以我會認為油價長遠是向上的。

假復甦

好多人已經寫過呢個題目，我只是想記下昨天與一位做生意友人的片段。

此刻，街外的tender prices仍然低，據我朋友說，每天仍會收到一些報價cold call．．．

所以，現時股市好，但市面其實不是行行向好。

************************************

能源（尤其是運輸）對經濟的影響。

在我以為所有東西都會回大陸做的今天，我朋友告知原來全港其中一間大的印刷廠是在香港印製product的；說是「大廠」，其實是會接一些量較少的訂單（我朋友是做production house，要搞event就要印書仔及傳單，etc.）．．．而由於運費上升，再加上要經中港運輸，時間及flexibility皆不如在港做化算，所以反而是在大陸做稿，但就在港開機印。

如此，是否香港的廠家反而有番啲生機？
************************************
想起行來與行外的知識，亦由於近一陣子好像有幾個朴架都寫賭，我又加多句。

設計賭場，其中一個重要考慮是中場與貴賓廳比例的分配。

由於澳門賭牌規限的，乃是賭枱數目，因此賭場自是會以每張賭枱能賺最多錢為目的。貴賓廳內，賭額比中場大很多（我親眼見過有人五分鐘內輸三千萬．．．而我肯定那並非做「妹」的！），所以理論上貴賓廳會比中場好賺．．．但原內，去得貴賓廳的賭客，其「賭技」亦真的比中場客强很多！澳門其實有一些業內資料，指出賭場對中場客嬴面為3.5%，但對貴賓廳的客則只有1%左右（我只是憑記憶，這些數字可能有錯）。

因此，賭場既喜歡吸中場客（勝在嬴面高）；但亦需貴賓客（嬴的銀碼大）。同時，亦要一定數量的中場枱來「做旺個場」以吸引人到賭場．．．所以要決定中場枱vs貴賓枱的比例，並非易事。

股市見頂先兆

尋日响大家樂食早餐，竟然聽到嗰兩個收碟既清潔阿嬸响度講緊股票！！！！！

係時候小心啲喇．．．

投資理念演進(2)

簡括而家投資做法：
資金分成大約三份：
一份係現金，因為我相信現在既市況其實唔反映實際情況，經濟差始終會為市場所反映，問題係幾時（當然，呢個我一啲都唔知）；
第二份係牛眼投資法，用响啲細價股度；
第三份係放响相對穏定既投資度，嘗試利用高低位製造現金流。